A Universidade de Santiago de Compostela promove a través do Programa UNIEMPRENDE o seu compromiso co desenvolvemento socioeconómico da sociedade.
UNIEMPRENDE apoia decididamente a toda a comunidade universitaria.
A nosa misión é crear tecido empresarial dentro do emprendimiento integral responsable, que non só abarca as empresas de base tecnolóxica, senón as que teñen compoñente social e compromiso ambiental.
O Programa de Creación de Empresas da Universidade de Santiago de Compostela (Uniemprende) organiza en colaboración co IGAPE un Seminario Gratuito de Planificación Empresarial. Dará comezo o próximo 10 de abril e no mesmo facilitaráselles as persoas asistentes a metodoloxía e as ferramentas necesarias para o desenvolvemento dun plan de empresa.
Levarase a cabo ao longo de cinco sesións formativas de 3 horas de duración cada unha, mais duas titorías de apoio e asesoramento individualizado a cada proxecto participante.
Celebrarase na Aula de Formación do Edificio Emprendia nas seguintes datas:
• Mércores 10 de abril
• Venres 12 de abril
• Mércores 17 de abril
• Venres 19 de abril
• Mércores 24 de abril
O Programa de Creación de Empresas da Universidade de Santiago de Compostela Uniemprende, convoca o XIII Concurso de Proxectos Empresariais Innovadores da USC, e pon a disposición de todas as persoas interesadas formación gratutita para elaborar o plan de empresa.
O obxecto do concurso é impulsar a creación de empresas innovadoras promovidas por estudantes, licenciados e licenciadas ou investigadores e investigadoras, así como a innovación empresarial e a xeración de emprego.
Prazo de presentación:do 15 de marzo ao 15 de maio de 2013
Premios:
BASE TECNOLÓXICA: 2.000 euros + ata 24.000 € de financiamento mediante préstamo participativo
A través de Eco-Uniemprende queremos transmitir os nosos coñecementos, na área de apoio ó emprendemento, ó persoal técnico doutros programas de España, Portugal eAmérica Latina, así como asesorarlles no desenvolvemento do seu propio ecosistema emprendedor.
Poderá beneficiarse do know-how do persoal de Uniemprende a través de distintas modalidades e coñecer de primeira mán todos os servizos prestados polo Programa de Creación de Empresas da Universidade de Santiago de Compostela.
A Universidade de Santiago de Compostela promove a través do Programa UNIEMPRENDE o seu compromiso co desenvolvemento socioeconómico da sociedade.
